Margoketak egin dituzte EH Bilduren hainbat egoitzetan, Gazte Topagune Sozialistari jarritako debeku politikoa salatzeko. Urriaren 13an eta 14an izango da Topagunea.
Donostiako egoitzan egindako margoketa ARGAZKIA / Gedar
Hainbat hilabetez Topagune Sozialista Atarrabian (Nafarroa) eta Burlatan (Nafarroa) egiteko ahozko onespena eman ostean, maniobra burokratiko baten bidez, ekimena egiteko baimen nagusiak ukatu dizkie EH Bildu-Sortuk Gazte Koordinadora Sozialistari eta Ikasle Abertzaleaki. Aitzakia teknikoen atzean ezkutatuta, debeku politiko bat jarri nahi izan diote urteroko ekimenari, baina Topagunearekin aurrera jarraitzea erabaki dute gazteek: Atarrabian eta Burlatan mantendu dute hitzordua, egitaraua aldatuta.
Topaguneari EH Bildu-Sortuk ezarritako beto politikoa salatzen duten hainbat pintaketa ageri dira bart, alderdiak Euskal Herriko hainbat hiriburutan dituen egoitzetan. Besteak beste, salaketa-mezu horietan irakur daiteke: "Gazte langileon etsaiak! Topaguneari betorik ez!", "EH Bildu gazte langileon etsaia! Komunisten aurkako erasorik ez!".
