Aktualitatea
/
SOLDATA SISTEMA
CAFeko langile bat hil da Beasainen
Lanera zihoala sentitu zen ondoezik 60 urteko langilea, eta bi egunera zendu zen. Aurten, gutxienez hamabi lan-heriotza izan dira Euskal Herrian.
2023/03/24
08:27
Aurreko asteburuan, CAFeko langile bat hil zen Beasainen (Gipuzkoa), bere lanpostura bidean zela. Dirudienez, ostegunean izan zen: ondoezik sentitu zen lanera autoz zihoala. Handik bi egunera zendu zen, asteburuan. 60 urte zituen.
Sindikatuek salatu dutenez, halako "heriotza ez-traumatikoen" oinarrian "faktore pertsonalak, bizi-faktoreak eta lan-faktoreak" egon ohi dira.
2023. urtea hasi zenetik, Euskal Herrian, gutxienez hamabi langilek galdu dute bizia euren lanpostuetan, lanera bidean edo lanetik bueltan.
EZ DAGO IRUZKINIK
