GKSk deituta, atzo egin zituzten elkarretaratzeak Euskal Herriko zortzi herritan, pandemiari eman dioten erantzun autoritarioa salatzeko. Azkeneko neurri murriztaileen oinarria jarri du zalantzan GKSk: "Neurriek ez dute oinarri sanitariorik, totalitarioa baizik".
Durango.
COVID-19aren seigarren olatua delakoaren harira, gobernu desberdinek are neurri gehiago ezarri dituzte azken egunetan; besteak beste, musukoaren derrigorrezko erabilerari, Covid ziurtagiriari nahiz indar militarrei lotuta. Gazte Koordinadora Sozialistak nahasmen horren erdian deitu zuen protestara, Pandemiari eman dioten aterabide autoritarioari aurre egin lelopean.
[Irakurri hemen azken neurriak direla-eta GKSk egindako adierazpenak eta mobilizazio deialdiak]
Atzo, abenduaren 24an, izan ziren protestak Euskal Herriko zortzi herritan; hain justu, Durangon (Bizkaia), Lekeition (Bizkaia), Ordizian (Gipuzkoa), Bilbon (Bizkaia), Azpeitian (Gipuzkoa), Donostian (Gipuzkoa), Tolosan (Gipuzkoa) eta Gasteizen (Araba).
Hona hemen atzoko mobilizazioek utzitako hainbat irudi:
