Langile bat eraila Laudioko Tubacex enpresan

Gaur, uztailak 4, 25 urteko langile bat erail dute Tubacex enpresaren Laudioko (Araba) lantokian. Pieza bat erori zaio gainera, soldatapean lanean ari zela.
Argazki Nagusia
Tubacexen Laudioko planta. Argazkia: Aiaraldea
2019ko uztailaren 04a

Aiaraldea-k eman du beharginaren erailketaren berri. Ordezkari sindikal batek azaldu du "egoera jasanezina" dela lantegian. Izan ere, duela 9 urte, modu berean izan zen eraila beste behargin bat.

10 urtean, Tubacex enpresan hil duten laugarren langilea da gaurkoa; Murgako (Araba) lantokian duela bi urte erail zuten behargin bat, eta iaz, bi izan ziren hildakoak, Orozkon (Bizkaia).

Erantzunak eta mobilizazioak

Bihar, ostirala, elkarretaratzea egingo dute Laudioko plazan, 20:30ean. 'Kapitalismoa hiltzailea!' lemapean egin dute deialdia Aiaraldeko Ikasle Abertzaleakek, Laudioko Gaztetxeak eta Orbeko Etxeak.