Hiru sindikatuak jakinarazi duenez, atzo, martxoak 23, Irungo (Gipuzkoa) langile bat erail zuten AP-8 autobidean. 54 urteko zituen, eta Campezo enpresarako egiten zuen lan, garraiolari modura. Bihotzekoak jota zendu zen.

Sindikatuak nabarmendu du ez dela heriotza naturala izan, egungo lan baldintzek eragindako lan istripua baizik. Bestalde, Covid-19 birusak sortutako egoera dela-eta, salatu dute hildako langileak ez lukeela lanean egon behar.

2020. urtea hasi zenetik eraila izan den hemeretzigarren behargina da honakoa, gutxienez. Aurreko astean, 52 urteko erizain bat hil zuten Basurtoko Ospitalean, Bizkaian. Koronabirusak kutsatuta zendu zen.