Emakume bati sexu abusuak egiteagatik 53 urteko gizonezko bat atxilotu dute Gasteizen

Pasa den asteburuan jazo zen erasoa; 53 urteko gizonezko batek sexu abusuak egin zizkion emakumezko bati, Gasteizen. Durangon beste gizonezko bat atxilotu du Ertzaintzak, bere bikotekidea jipoitzeagatik.
Argazki Nagusia
Gasteizko Zapateria kalea
2019ko uztailaren 2a

Iragan larunbatean, Gasteizko (Araba) Zapateria kalean gertatu zen erasoa. 53 urteko gizonezko batek emakume bat atzeman eta konorterik gabe utzi zuen. Gasteizko Udaltzaingoak bi lekukoren deia jaso eta sexu abusuen aurkako protokoloa abiatu zuen. Txagorritxu ospitalera eraman zuten erasotua, eta erasoa jazo zen inguruko taberna batean atxilotu zuten gizonezkoa.

Durangon (Bizkaia), aldiz, gizonezko bat atxilotu du Ertzaintzak, bere bikotekidea jipoitzeagatik.