Aktualitatea
/
INDARKERIA MATXISTA
Bere autoan zela, emakume bati tiro egin dio bikotekideak Sunbillan
Emakumea lanera bidean zihoala egin zion tiro senarrak; errifle bat dauka. Atxilotu dute jada.
2022/01/27
08:57
Atzo gizonezko bat atxilotu zuten Sunbillan (Nafarroa) emazteari eraso egiteagatik. Goizean izan zen erasoa: emakumea lanera bidean zihoan autoan, eta soinu bat entzun zuen Sunbilla paretik igarotzean. Lantegira iristean ohartu zen tiro baten arrastoa zuela kotxean, eta gertatutakoa salatu zuen.
Errifle bat dauka senarrak, eta dirudienez, emakumearen ibilgailuko arrastoak bat egiten du arma horrek uzten duenarekin. Atzo bertan atxilotu zuten gizona.
EZ DAGO IRUZKINIK
