Aktualitatea
/
ERASO FAXISTAK
Barakaldon izan den azken eraso faxista salatu dute
Asteartean, hainbat espazio politikotan parte hartzeagatik ezaguna den pertsona bati eraso zioten Barakaldon, labanaz. Outlaws MC talde supremazistako kidea da identifikatu duten erasotzailea. Atzo, protesta bat egin zuten Barakaldon.
ARGAZKIA / Ezkerraldea Antifaxista
2023/07/07
08:41
Ezkerraldea Antifaxistak deituta, atzo iluntzean elkarretaratze bat egin zuten Barakaldon (Bizkaia), aste honetan izan den eraso faxista salatzeko. Auzoz auzo, faxismoa suntsitu lelopean batu ziren protestara ehunka lagun, eta babesa adierazi zioten erasoa jasan zuen pertsonari.
Joan den asteartean, kalean, labanaz eraso zion Barakaldon faxista talde batek. Labankada eman zuen erasotzailea identifikatuta dago, eta atxilo daukate: Asier Garcia da, antza, Outlaws MC talde supremazista, arrazista eta homofoboko kidea.
EZ DAGO IRUZKINIK
