J Martina taldeak jarri dio kanta Gazte Topagune Sozialistaren aurtengo edizioari; 'Mailu honen zarata'.
Gero eta gertuago dago 2022ko Gazte Topagune Sozialista. Ikasle Abertzaleakek eta Gazte Koordinadora Sozialistak aurreko astean argitaratu zuten edizio honen egitaraua, eta atzo, berriz, Topaguneari jarritako abestia aurkeztu zuten: Mailu honen zarata. J Martina musika taldea arduratu da aurtengo kanta sortzeaz.
Hona hemen Mailu honen zarata abestiaren hitzak, osorik:
Esango digute ez garela inor
Ez dela posible, eta egoteko hor
Etsaiari hartuaz eskua jator
Promesaren ostean miseria dator
Lur zingiratsuak, garaiak ere bai
Surik ez dago baina egurra nonahi
Egunak joaten dira hurrengoaren zain
Hau eman digute baina ez dugu nahi
Entzuten al duzu
Lehertzear da ta
Hedatzen ari da
Mailu honen zarata
Eroriko dira, eroriko dira
Zimendu zaharra usteltzen ari da
Lehengo garaietako dorre garaienak
Eroriko dira, eroriko dira
Gaur esan nahi dizut zer abesten dudan
Zer amesten dudan, bi munduren gudan
Hautu bat egin dugu begiak helmugan
Itzulerako zubi denak sutan
Zer abesten dudan
Zer amesten dudan
Bi munduren gudan
Begiak helmugan
Esango digute ez garela inor
Ez dela posible, eta egoteko hor
Etsaiari hartuaz eskua jator
Promesaren ostean miseria dator
Entzuten al duzu kolpeka mailua
Ezin da gelditu haren mugimendua
Mailua gu gara, gugan da hautua
Bakarrik ezin dut, heldu nire eskua
Eroriko dira, eroriko dira
Zimendu zaharra usteltzen ari da
Lehengo garaietako dorre garaienak
Eroriko dira, eroriko dira
Gaur esan nahi dizut zer abesten dudan
Zer amesten dudan, bi munduren gudan
Hautu bat egin dugu begiak helmugan
Itzulerako zubi denak sutan
Eta hona hemen bideoklipa, ikusgai:
