2025-2026 futbol-denboraldia amaitzear den honetan, azken bi urteetan jasandako errepresioa erakusten duten hainbat datu esanguratsu argitaratu ditu Indar Gorrik. Balantzea sekulakoa da: bi urteko epean, 98 atxiloketa eta 228.000 euroko 351 isun ezarri dizkiete Indar Gorriko kideei, baita futbol-zelaietara sartzeko 52 urterainoko debekuak ere.
Batez besteko datuek ere ematen dute zeresana. Izan ere, batez beste, astean atxiloketa bat izan du Indar Gorrik, eta 1.000 euroko isun bat jasan du 3,3 egunean behin.
Apirilaren amaieran izan ziren azken atxiloketak: zortzi pertsona atxilotu zituen Espainiako Poliziak, otsailaren 21ean Sadarren izandako karga polizialen harira. Dena den, borrokarako mezu bat eman du taldeak: "Borrokan tinko garaipenera arte".
