Euskal Herrian izandako beste lan-heriotza baten berri eman dute gaurkoan. Aurreko larunbatean, goizeko 06:00etan, emakume bat auto-istripuz hil zen Zaratamon (Bizkaia), Urduñarako (Bizkaia) norabidean. Artiach enpresan aritzen zen soldatapean emakumea, eta gaueko txanda bukatuta, etxera bidean zihoan auto-istripua izan zuenean. 36 urte zituen.
"Gaueko txanda amaitzean, nekea arrisku faktore garrantzitsua" dela nabarmendu du LAB sindikatuak. Urtea hasi zenetik, Euskal Herrian gutxienez 21 langilek galdu dute bizia soldatapean lanean ari zirela edo in itinere istripuen ondorioz.
