Gaur, maiatzaren 20an, protesta egingo dute berriz Artziniegako (Araba) La Encina egoitzaren aurrean. Hala, haien lan-baldintzen defentsan antolatu diren langileen aurkako jazarpena salatuko dute beste egun batez. La Encinan lan-egutegia adosteko ezintasuna ikusita, hauteskunde sindikalak egin zituzten beharginek, haien exijentziak egin ahal izateko.
Dena den, "fede txarra" eta "errendimendu eskasa" egotzita, hauteskundeak izan zirenetik bi langile kaleratu ditu enpresak. Horretaz gain, ELA sindikatuaren esanetan, lan-kontratutak iraungi dizkiete beste biri.
