Madrilgo epaile batek ebatzi du agenteak ez zuela "asmo intimidatzailerik izan", sionisten kontra protesta egiten ari ziren pertsonak pistola batekin seinalatzean. Espainiako Polizia ere bertan egon zen.
ARGAZKIA / El Diario
Otsailaren 8an, Madrilgo Konplutentse Unibertsitateko
Filologia Fakultatean protesta bat izan zen,
Israelgo Estatuaren diplomazia-ordezkari bat gonbidatuta baitzegoen bertako
hitzaldi-ziklo batera. Protestan ari zen jendearen kontra oldartu ziren
unibertsitateko segurtasun-indarrak, eta Espainiako
Poliziako UIP unitateak ere esku hartu zuen. Bertan izan ziren, itxura denez,
Informazio-arloko polizia batzuk ere.
Espainiako Estatuko polizia-indarrez gain, Israelgo Estatuko zerbitzu sionistak ere bertan egon ziren. Espainiako Polizia bera izan zen informazio hori berretsi ziona Madrilgo auzitegi bati: Konplutentse Unibertsitatean egon zen agente sionista baten nortasuna, behintzat, jakinarazi zion.
Ustez, enbaxada israeldarraren parte da agentea. "Pertsona
hori legez akreditatuta dago, Israelgo Estatuko enbaxadore andre txit
gorena babesteko lanetan ari den langile diplomatiko gisa", esan zioten Madrilgo epaileari Espainiako Poliziako agintaritzek.
Agente sionistak pistola bat atera zuen fakultatean, eta protestan ari ziren ikasleak mehatxatu zituen. Hala jarduten utzi zion Espainiako Poliziak, nahiz eta orain esaten duen agenteek ez zutela pistola ikusi. Protestan zeudenek azaldu dute, ordea, oihu egin zutela arma ikustean, baina pistola zeraman agentea ate baten atzean ezkutatu besterik ez zuela egin Poliziak.
Kereila eta auzia, artxibatuta
