Aktualitatea
/
SOLDATA SISTEMA
Altsasuko Sunsundegui seinalatu dute, ezarri nahi duen kaleratze masiboagatik
Astebete barru eramango dute likidaziora lantegia, 400 langile kalean utziz. Kaleratzeak salatzeko eta enpresaburuen erantzukizuna seinalatzeko margoketak egin dituzte.
2025/04/07
08:27
"400 kaleratze", "ERTE=Miseria", "Enpresariak langileon miseriaren erantzule", "Enpresariak errudun", "Sakanako langileentzat etorkizuna" eta abar. Mezu horiek guztiak eta gehiago irakur daitezke azken egunetan Altsasuko (Nafarroa) kaleetan, Sunsundegui enpresan zuzendaritzak inposatu nahi duen kaleratze kolektiboaren aurka. Besteak beste, lantokiaren instalazioetan bertan egin dituzte margoketak.
Aurreko astean jakin zen apirilaren 14an eramango dutela likidaziora Sunsundegui, bide eginez azkentzeko enplegu-erregulazioko espediente bati, 400 langileen kaleratzeari eta fabrikaren itxierari. Plantillak bost hilabete daramatza aldi baterako lan erregulazioan.
EZ DAGO IRUZKINIK
