Zaldibarko (Bizkaia) Inyectados Gabi eta Galter enpresetan kaleratze-arriskuan daude 23 langile. Izan ere, lan-erregulazio espediente bat aurkeztu du hartzekodunen konkurtsoaren kudeatzaileak.
ELA sindikatuaren arabera, MEK taldeak bi enpresak bereganatzeko interesa adierazi du jada, eta eskaintza zehatz bat luzatu dio konkurtsoaren kudeaketaren arduradunari. Eskaintzaren ondorioetako bat egun lantegi horietan jarduten duten 52 beharginetatik 29 bakarrik kontratatzea izango litzateke. Hori gutxi balitz, MEKek gaur egungo enpresa-hitzarmena "bertan behera utzi nahi duela" salatu du ELAk, eta geratuko liratekeen langileei, berriz, Bizkaiko hitzarmen orokorra ezarri nahi dietela dio.
Mobilizazioa
Enpresetako langileek borrokarako deia egin dute dagoeneko. MEK taldeak Mallabian (Bizkaia) duen egoitzaren aurrean bilduko dira uztailaren 2an, 11:30ean.
