Aurreko igandean, ate irekien jardunaldi berri bat izan zen Loiolako (Donostia, Gipuzkoa) kuartel militarrean. Espainiako Gobernuko Defentsa Ministerioaren eskutik, goizean hasi eta arratsaldera arte egon zen zabalik kuartela: Siziliako Tertzio Zaharreko infanteriako erregimentuaren lana erakutsi eta aldarrikatu zuten bertan, eta hitza hartu zuen Emergentzietako Unitate Militarrak (UME), hala nola.
Adin guztietako pertsonak bertaratu zirela jaso du Diario Vasco-k. Ate irekien jardunaldian ohikoa izaten da hainbat gune egotea, zehazki haurrentzat pentsatutako ekimenekin: iaz, adibidez, photocall bat, umeentzako oztopo-pista bat, armadaren zaldiak erakusteko eremu bat eta abar izan ziren. Horrekin batera, material militarra erakutsi ohi dute: joan den igandean, armak hartzeko nahiz ibilgailu militarretara igotzeko aukera izan zen, eta drone bat egon zen hegan airean.
