Atzo goizean, 10:50ak aldera, bizia galdu zuen langile batek Durangon (Bizkaia). San Roque auzoko Fundiciones Fumbarri lantokian izan zuen lan-istripua, teilatua konpontzeko lanetan ari zela: argitu ez dituzten arrazoiak direla-eta, erori egin zen teilatutik. 45 urte zituen beharginak, eta Lantaronen (Araba) kokatutako Porto Cubiertas enpresarentzat aritzen zen soldatapean.
2024. urtea hasi zenetik, Euskal Herrian, gutxienez hamalau langilek galdu dute bizia soldatapean lanean, lanera bidean edo lanetik bueltan. 2023an, gutxienez 59 lan-heriotza izan ziren.
