Aurreko ostiral arratsaldean jakinarazi zuten lan-istripu bat izan zela Nafarroako Bardean, eta bi behargin zauritu zirela. Parke eoliko batean gertatu zen: lehertu egin zen aerosorgailu bat, eta erredurak jasan zituzten bi langilek.
Larriki zauritu zen langileetako bat, 29 urteko emakume bat. Lehen graduko erredurak zituela eraman zuten Tuterako (Nafarroa) ospitalera. Bigarren beharginak, 31 urteko gizon batek, lehen eta bigarren mailako erredurak pairatu zituen, eta Zaragozan (Aragoi) ospitaleratu zuten.
