Aste honetan, lan-istripuz hil da Lizarrako (Nafarroa) garraiolari bat. Aiegiko (Nafarroa) Cerio Ensilados enpresarentzat aritzen zen soldatapean, eta astelehenean jasan zuen trafiko-istripu bat A-1208 autobideko 28,6 kilometroan. Antza denez, errepidetik atera zen gidatzen ari zen ibilgailua. Suhiltzaileak bertaratu ziren istripua izan zen tokira, baina hil egin zen 51 urteko langilea.
Euskal Herrian, urtea hasi zenetik, gutxienez 23 langilek galdu dute bizia soldatapean lanean, lanera bidean edo lanetik bueltan.
