Atzo, asteazkenean, 78 urteko langile batek galdu zuen bizia Fiteron (Nafarroa). Nekazaritza Kooperatiban izan zuen lan-istripua, eguerdian: mahats batzuk eraman zituen, eta atoia nola husten zen ari zen begiratzen. Mahats guztiak erori ez zirenez, pala bat hartu eta atoia kolpatu zuen denak eror zitezen, baina oreka galdu eta bera jausi zen. Modu horretan zendu zen gizona.

Urtea hasi zenetik, Euskal Herrian, 38 langile hil dira soldatapean lanean, lanera bidean edo lanetik bueltan.