Aurreko astean, 54 urteko gizon bat hil zen Elorrion (Bizkaia), lanean ari zela lan-istripu bat izan eta zenbait egunera. Baso-langilea zen, eta Explotación Forestal Zaldupe S.L. enpresarentzat jarduten zuen soldatapean. Dirudienez, lanean ari zela, buruan jo zuen arbola batek, eta hala zauritu zen.
Iturri sindikalen arabera, urtea hasi zenetik, Euskal Herrian gutxienez 36 beharginek galdu dute bizia soldatapean lanean, lanera bidean edo lanetik bueltan.
