Frantziako Estatuak Anasse Kazib sindikalista eta militantea auzitara eraman du, "terrorismoari gorazarre" egitea leporatuta, 2023an argitaratutako txio batengatik.
FOTOGRAFÍA / La Izquierda Diario
Europako estatuen deriba autoritarioa agerian uzten duen gertakari berri batean, Frantziako Justiziak zazpi urtera arteko espetxe-zigorra eskatu du Anasse Kazib SUD Raileko sindikalista eta Révolution Permanenteko militantearentzat. Kaziben aurkako auzia 2023ko urrian argitaratutako txio batean oinarritzen da. Bertan, palestinar herriari babesa adierazten zion. Mezu hori eskuin muturrari lotutako Israelgo Estatuaren aldeko erakunde batek salatu zuen.
Epaiketa 2025eko ekainaren 18rako dago finkatuta, eta milioi askoko isuna ere jar diezaiokete Kazibi. Sindikalistaren esanetan, "terrorismoari gorazarre" egiteari buruzko akusazioa eskubide oinarrizkoenen aurkako eraso zuzena da, eta ohartarazpen bat politika errepresiboen aurka dagoen edo Palestinarekiko elkartasuna adierazten duen edonorentzat.
Kazibek salatu du prozesu judizial hau Frantziako Estatuaren gorakada errepresiboaren parte dela, disidentzia eta borroka sozialak isilaraztea helburu duena. Presioa izan arren, militanteak bere klasearen borrokekiko konpromisoa berretsi du eta elkartasunerako deia egin du, askatasun politikoen aurkako eraso berri honi aurre egiteko.
