Orozkoko (Bizkaia) Gazte Asanbladak aditzera eman duenez, Orozkoko Udalak debekatu egin du Jentilzulo Kulturgunean ekimenak antolatzea. Gunea, udalaren aburuz, "gazte lonja bat" litzateke, eta horrenbestez, galarazita legoke salbuespen aldian bertan jarduerak gauzatzea.
Horren aurrean, Jentilzuloko ateak "ahalik eta lasterren" zabaldu nahi dituztela azaldu dute asanbladako kideek, eta informazio-batzar bat prestatu dute aste honetarako: abenduaren 10ean egingo dute, 10:00etan, Donibane aretoan.
