Boikota, Desinbertsioak eta Zigorrak (BDZ) mugimenduak jakinarazi duenez, atzo hiru lagun atxilotu zituzten Iruñean (Nafarroa), "Palestinako genozidioa salatzeagatik". Itxura denez, Palestinarekin elkartasunez aritzen diren bi militante eta jatorriz Gazakoa den pertsona bat dira atxilotuak, eta San Frantzisko Plazan atzeman zituzten atzo Espainiako Poliziak eta Iruñeko Udaltzaingoak, margoketa bati lotuta.
Polizia-indarrek komisariara eraman zituzten hiru atxilotuak, eta bertan egin behar izan dute gaua. Antza, gaur goizean zehar igaroko dira epailearen aurretik.
