"Iruzurtzat" jo du Euskal Herriko Pentsiodunen
Mugimenduak Espainiako Gobernuak esku artean duen pentsioen erreforma.
Izan ere, Kontsumorako Prezioen Indizearen (KPI) eta pentsioen artean
dagoen hiru puntuko desorekak haientzako "diru-galera" bat dakarrela ziurtatu dute.
Gauzak horrela, astelehen honetan ere
mobilizazioak egin dituzte Hego Euskal Herriko hainbat txokotan.
"Gezurra esatea" egozten diote Espainiako Gobernuari, izan ere,
abenduaren 28an onartutako legeak "bizitzaren garestitzea gelditzea" eta
"pentsio publikoen sistemaren jasangarritasuna bermatzea" helburu duela
esan izan du PSOEren eta Unidas Podemosen gobernuak.
KPIa auzitan
Gainera,
pentsiodunen plataformak aditzera eman duenez, Pedro Sanchezen
gobernuak azkenaldian KPIaren inguruan eman dituen zifrak "faltsuak"
lirateke. Hain zuzen ere, kalkulu horretatik kanporatzen dira langileen erosketa-saskian zuzenean eragiten duten hainbat produkturen prezioak.
Mobilizazioak
Ondorioz, otsailaren 12an Bilbon (Bizkaia) mobilizatzeko deia luzatu du plataformak, "pentsioen zein soldaten erosahalmena murrizteaz eta pobretzea eragiten duten bete gabeko hitzemateez nazkatuta".
