Aktualitatea
/
SINDIKALISMOA
Tubacexeko kaleratzeen aurka egin dute protesta Bilbon
2.500 pertsona inguru elkartu ziren atzo Bilbon, Tubacexen Laudioko eta Amurrioko lantegietan egitekoak diren 129 kaleratzeak salatzeko. Langileek 60 egun daramatzate borrokan.
2.500 pertsona inguru mobilizatu ziren Bilboko kaleetan. Argazkia: Ecuador Etxea
2021/04/12
10:08
Atzo Bilbon (Bizkaia) mobilizatu ziren 2.500 pertsonatik gora, Tubacex enpresak iragarritako kaleratzeen aurka eta Tubacexeko langileekin elkartasunez. Enplegu-erregulazioko espediente berri bat aurkeztu zuen enpresako zuzendaritzak, Laudioko (Araba) eta Amurrioko (Araba) lantegietako 129 beharginen kaleratzeak jasotzen dituena.
Apirilaren 15erako daude aurreikusita kaleratzeak, baina horien aurka borrokan jarraituko dutela jakinarazi dute langileek. 60 egun daramatzate greban.
