Palestinaren askatasunaren alde mobilizatuko dira San Fermin jaietan ere

Aktualitatea / PALESTINA

Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.

2024/06/24 13:54

Palestinarekin Elkartasuna plataformak mobilizazio deialdi berri bat egin du Iruñean (Nafarroa), sanferminetarako. Uztailaren 13an, larunbatez, manifestazio bat izango da, Ibaitik itsasora, Palestina askatu! lelopean. San Frantzisko Plazatik abiatuko da, 18:30ean.

Aurreko hilabeteetan ere egin ditu Palestinaren askatasunaren aldeko mobilizazio gehiago aipatutako plataformak: ekainaren 15erako Beasainen (Gipuzkoa) antolatu zuen protesta bat, CAFeko akziodunen urteroko batzarra probestuta; 13an Tuteran (Nafarroa) elkarretaratu ziren hainbat lagun, CAF seinalatzeagatik pertsona bati egindako epaiketaren kontra; maiatzaren 31n Bilbon (Bizkaia), Gasteizen (Araba) eta Iruñean bertan izan ziren kontzentrazioak, eta abar.