Aktualitatea
/
SOLDATA SISTEMA
Inpescarentzat aritzen zen arrantzale bat hil da Ozeano Indikoan, lanean
Seychelle uharteetatik gertu hil zen langilea, aurreko astean. 2008tik hona, Inpesca enpresarentzat jarduten zuten hiru beharginek galdu dute bizia lanean ari zirela.
ARGAZKIA / Echebastar
2023/07/13
10:50
Astearte honetan jakinarazi dutenez, Euskal Herriko Inpesca enpresarentzat soldatapean aritzen zen arrantzale bat hil zen aurreko astean, Ozeano Indikoan. Itsasontzi batean lanean ari zela zendu zen, "ez-traumatikotzat" jotako lan-istripu batean. Zehazki, Seychelle uharteetatik hurbil galdu zuen bizia 44 urteko langileak.
2008. urteaz geroztik, Inpescarentzat lan egiten zuten hiru behargin hil dira lan-istripuz. "Traumatikoak" izan ziren aurreneko bi lan-erailketak, eta "ez-traumatikoa" hirugarrena. "Istripu horiek aztertzeko eta argitzeko traba handiak izaten ditugu, eta gardentasun falta handia da", esan du LAB sindikatuak.
EZ DAGO IRUZKINIK
