Aktualitatea
/
INDARKERIA MATXISTA
Hiru emakumeri eraso diete bi gizonek Bilbon eta Getxon
Emakume bati sexu-erasoa egin zion gizon batek asteartean. Ostegun goizaldean, bestalde, bi emakume kolpatu zituen beste gizon batek, eta sexu-erasoa ere egin zion haietako bati.
Neguri.
2023/09/22
08:57
Azken egunetan bi gizon atxilotu dituzte Bilbon (Bizkaia) eta Getxon (Bizkaia), hiru emakumeri eraso egiteagatik. Astearte gauean izan zen lehen erasoa, Bilboko Neguri auzoan: sexu-erasoa jasan zuen emakume batek. Gau horretan bertan salatu zuen gertatutakoa, eta Getxon atxilotu zuten erasotzailea.
Ostegun goizaldean, bestalde, bi emakumeri eraso zien gizon batek Bilboko San Frantzisko auzoko taberna batean. Kristalezko edalontziak erabilita kolpatu zituen lehenengo, eta, gero, sexu-erasoa egin zion emakumeetako bati: ukituak egin zizkion eta musu eman zion, bere borondatearen kontra. Tokitik alde egiten ari zenean atxilotu zuten 27 urteko gizonezkoa.
EZ DAGO IRUZKINIK
