Aktualitatea
/
ERREPRESIOA
Gutxienez bi atxilotu Iruñerrian, Voxen presentzia salatzeko protestei lotuta
Espainiako Poliziak egin ditu atxiloketak Berriozarren eta Iruñeko Alde Zaharrean.
2025/06/17
12:04
Gaur goizean, gutxienez bi pertsona atxilotu ditu Espainiako Poliziak Iruñerrian (Nafarroa), Berriozarren eta Iruñeko Alde Zaharrean hain zuzen ere. Itxura denez, otsailean Vox alderdi faxistaren presentzia salatzeko izan ziren protesten harira atxilotu dituzte.
Otsailaren hasieran, Voxek propaganda banatzeko postuak jarri zituen Iruñerrian; Errotxapean izan ziren faxistak otsailaren 1ean, eta Berriozarren 2an. Jende ugari bertaratu zen bi kasuetan, talde faxistaren kontra protesta egiteko. Ohi bezala, ordea, Voxekoak babestu zituzten polizia-indarrek, eta faxismoaren aurka mobilizatutako jendearen aurka oldartu ziren. Pertsona ugari zauritu zituen Poliziak.
EZ DAGO IRUZKINIK
