Aktualitatea
/
SINDIKALISMOA
Greba egin dute Mauleko ospitalean, Covid ziurtagiria errefusatu duten zortzi langileak sustengatzeko
Irailetik, koronabirusaren aurkako bi txerto dosi ez dituzten osasun-langile guztien kontratuak eten dituzte. Mauleko (Zuberoa) ospitalean, zortzi langile baztertu dituzte Covid ziurtagiria errefusatzeagatik. Haiei babesa emateko, greba egin zuten ospitalean ostegunean.
2021/11/22
10:42
Frantziako Estatu administratibo guztiko osasun-langileentzat irail amaieratik da derrigorrezkoa Covid ziurtagiria edukitzea. Beste aterabide bat izango zen test negatibo bat erakustea, baina ordaindu egin behar dira.
Neurri hori dela-eta, Mauleko (Zuberoa) ospitaleko zortzi langile baztertu dituzte lanetik, Covid pasaporteari uko egin diotelako. Gainera, egin dituzten ordu gehigarriak eta opor egunak ez zaizkie ordainduko. Egoera salatzeko eta lanean berriz har ditzaten exijitzeko, aurreko ostegunean greba egin zuten ospitaleko 40 bat langilek.
Nahiz eta ospitaleko zuzendariaren bulegoan sartzen saiatu ziren, berak ez zuen onartu langileekin hitz egitea. Beharginek aterabide bat aurkitu arte borrokan segituko dutela azaldu zuten.
EZ DAGO IRUZKINIK
