Aktualitatea
/
ETXEBIZITZA
Gasteizko Goikolarran, berokuntzarik eta ur berorik gabe
Babes Ofizialeko Etxebizitza batzuetan, 88 familiari falta zaie ur beroa eta berokuntza-sistema.
ARGAZKIA / Gasteiz Hoy
2024/12/20
08:26
Gasteizko (Araba) Goikolarra auzoan, joan den azaroan banatu zizkieten giltzak Babes Ofizialeko Etxebizitza (BOE) batzuetan biziko diren pertsonei. Asko, baina, ezin izan dira oraindik euren etxeetara lekualdatu, aerotermia ez baitago martxan: negua ate joka egon arren, ez dizkiete ez ur beroa ez berokuntza-sistema erabilgarri jarri.
Hainbat bizilagunek salatu dute etxeko tenperatura hotza izaten dela, 10-12°C-koa. Euren kabuz erosi eta jarri behar izan dituzte berogailu mugikorrak. Jakinarazi dute, gainera, ez BOE horietaz arduratu diren enpresek ez erakunde publikoek ez dietela irtenbide bizkorrik bermatu: ez omen dakite zein den arazoa aerotermiarekin.
EZ DAGO IRUZKINIK
