AKTUALITATEA
Gaur goizean, beste familia bat etxegabetu dute Bilbon, Santutxu auzoan hain zuzen ere. AZET etxebizitza-sindikatuak azaldu duenez, gaurkoa zen etxe-kaleratzea gauzatzeko hirugarren saiakera, aurrez, birritan gelditu baitzuten desalojoa mobilizazioari esker. Honakoan, baina, etxegabetzea gauzatu dute segizio judizialak eta polizia-indarrek, familia bat kalean utziz; tartean, adin txikiko bi pertsona.
Goizeko 08:30 alderako, hasita zegoen desalojoaren kontrako protesta, baina kordoi polizial bat osatu eta manifestariei atarira hurbiltzea galarazi die Ertzaintzak. Horiek horrela, ez diete utzi arriskuan zegoen familiari babesa ematen.
09:30 baino lehen bertaratu dira segizio judiziala eta sarrailagile bat, eta desalojoa burutu dute. AZETek salatu du, oraingoan ere, Bilboko Udalak (EAJ-PSOE) ez diola bizitoki-alternatibarik bermatu kaleratutako familiari.