Zigorrak Ezartzeko Frantziako Auzitegiak atzo onartu zuen Jakes Esnal preso politikoa baldintzapean aske uztea, baina oraingoan oraingoan ere ez diote espetxetik irteten utziko: helegitea aurkeztu du terrorismoaren kontrako ministerio publikoak eta, hortaz, berriro bota dute atzera baldintzapeko askatasun galdea.

1990. urtean atxilotu zuten Esnal, eta apirilean egin zituen 30 urte giltzapean. Ia 70 urte ditu, eta Saint Martin de Re kartzelan dute preso. Izatez, preso politikoari ezarri zioten zigorraren arabera, 2008. urtetik izan beharko luke baldintzapean aske irteteko aukera.