Aktualitatea
/
HOMOFOBIA
Eraso homofobo bat izan da asteburuan Zarautzen
Larunbatetik iganderako gauean, gizonezko batek eskaileretan behera bota zuen beste gizon bat, homosexuala izateagatik. Aurretik ere hainbatetan jazarri du.
Artxiboko irudia. ARGAZKIA / Danda Gazte Asanblada
2024/03/13
08:50
Aurreko asteburuan, eraso homofobo bat jasan zuen gizon batek Zarautzen (Gipuzkoa). Beste gizon batek egin zion eraso larunbatetik iganderako gauean, taberna batean: lepotik heldu eta eskaileretan behera bota zuen. Gero, alde egin zuen.
Erasoa jasan zuen gizonak Zarauzko Hitza-ri jakinarazi dionez, aurrez ere jazarri du erasotzaileak, homosexuala izateagatik. Elkar ikusi duten bakoitzean "jarrera txarra" izan du berekin, eta azaldu du "bilatu egin duela, bultza egin diola eta jarrera mehatxatzailearekin gerturatu zaiola behin baino gehiagotan". "Inork ondorio arrarorik atera ez dezan", bestalde, erasotuak azpimarratu du "erasotzailea zarauztarra dela eta ez kanpotarra".
EZ DAGO IRUZKINIK
