Aktualitatea
/
INDARKERIA MATXISTA
Emakume bat bortxatu du gizon batek Iruñeko Alde Zaharreko atari batean
Larunbat goizaldean, emakumea etxera bidean zela harrapatu zuen gizon batek, eta atalondo batera eraman zuen indarrez. Itaiak protestara deitu du bihar arratsalderako, 'Indarkeria matxista orori aurre egin' lelopean.
Manifestazio bat Iruñean.
2023/02/27
10:21
Aurreko larunbatean, 05:00ak aldera, emakume bat bortxatu zuen gizon batek Iruñeko (Nafarroa) Alde Zaharrean. Gaztelu plaza inguruan eraso zion emakumeari: etxera bidean zela harrapatu zuen gizonak, eta atari batera eroan zuen, indarrez. Han bortxatu zuen.
Atalondo horretan bizi den pertsona batek entzun zituen emakumearen oihuak, eta polizia-indarrak ohartarazi zituen. Emakumeak emandako deskribapenari esker, bortxatzailea identifikatu eta atxilo eraman zuten zenbait ordu beranduago. Iruñeko epaitegiaren esku geratu da auzia.
Itaiaren elkarretaratzea, bihar
Erasoa salatu eta protestara deitu du Iruñerriko Itaia Emakumeon Antolakunde Sozialistak. Bihar izango da elkarretaratzea, 20:00etan, udaletxe aurrean.
EZ DAGO IRUZKINIK
