AKTUALITATEA EDITORIALA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Teresa Ribera. ARGAZKIA / La Moncloa
2022/09/22 11:24

Energiari lotutako hainbat neurri urgente kaleratu berri ditu Espainiako Gobernuak, eta horien artean dago Eskariaren Erantzun Azkarreko Zerbitzua izeneko mekanismo berria. Neguari begira sortu dute baliabide berri hori, eta antza, beranduenez azaroaren 1ean sartuko da indarrean. Mekanismo horrek elektrizitate horniketan esku hartzea ahalbidetuko dio Espainiako Sare Elektrikoari (REE), "elektrizitate eskariak programatutako eskaintza gainditzen" duen uneetan: legez, "kontsumitzaile handien" elektrizitate horniketa osorik edo modu partzialean eteteko aukera izango du REEk.

Hamabost minutu lehenago emango die mozketaren berri enpresei, eta gehienez hiru ordura arte etengo die elektrizitate horniketa; gobernuaren esanetan, enpresa horiek "konpentsatuko" dituzte gero. Nagusiki enpresa industrialei ezarriko zaie neurria, baina baita zerbitzu-enpresei ere.

Energia Trantsiziorako ministro Teresa Riberaren esanetan, "puntako uneetan" mekanismo hori aplikatu ahal izateak "malgutasuna" emango dio "sistemari", horniketa zuzenean moztean "eskaria murrizten" delako.

EZ DAGO IRUZKINIK