Aktualitatea
/
INDARKERIA MATXISTA
Bi emakume taldean bortxatu dituzte asteburuan, Barakaldon eta Tolosan
Hainbat gizonek atzo goizean eraso zioten emakume bati; bi gizon atxilotu dituzte eraso horri lotuta, eta beste bi daude ikerketapean. Bart, bestalde, beste gizon talde batek egin dio eraso beste emakume bati, Tolosan.
2022/02/28
20:09
Gutxienez bi talde bortxaketa izan dira asteburuan Euskal Herrian. Igande goizean, gutxienez lau gizonek eraso zioten emakume bati Barakaldon (Bizkaia). 06:30ak aldera hurreratu ziren emakumearengana kalean, eta modu bortitzean sartu zuten atari batera. Han bortxatu zuten, eta sakelakoa nahiz poltsa kendu zizkioten gero. Arratsaldean atxilotu zituzten erasotzaileetako bi; 20 eta 23 urte dituzte. Beste bi daude ikerketapean.
Atzo gauean, bestalde, Tolosan (Gipuzkoa) jasan zuen eraso bat beste emakume batek. Hainbat gizonek bortxatu zuten, eta oraindik ez dute inor atxilotu horren harira.
EZ DAGO IRUZKINIK
