Algortan (Getxo, Bizkaia) berriki sexu-esplotazioko sare bat desegin ondoren, Donostian (Gipuzkoa) izan da prostituzio-sare baten aurkako operazio bat. Hamabost pertsona atxilotu dituzte egitura horri lotuta. Ikertu nagusia 2018an atxilotu zuten jada, Gipuzkoako beste esplotazio-klub bat zela-eta. Atzeman duten azkeneko prostituzio-sarearen zentroa Zubiberri bidean kokatutako txalet bat zen, eta aipatutako proxeneta horrek eskuratzen zuen han lortutako irabazien %50.

Gutxienez hamahiru emakume zituzten harrapatuta esplotazioko egituran. Mehatxuak tarteko, etengabeko kontrola ezartzen zieten proxenetek, janzteko moduan barne; eta esplotatzaileetatik bik kontrolatzen zituzten txaleteko jarduna, ordainketak nahiz emakumeen mugimenduak, bezeroengana mugitu behar zirenean. Harremanetarako web-orriak kudeatzen zituzten bezeroak erakartzeko, eta drogak ere banatzen zituzten txaletean.

Maiatzean izan ziren lehen miaketak etxe horretan, eta dirutza eta drogak aurkitzeaz gain, hainbat arma topatu zituzten bertan; bi pistola, katana bat, hiru taser-gailu...