Aktualitatea
/
INDARKERIA MATXISTA
Azken egunetan, gutxienez hiru eraso matxista salatu dituzte Barakaldon eta Sestaon
Ostiralean eta larunbatean egin zieten sexu-erasoak Barakaldon emakume banari. Larunbat gauean, bestalde, indarkeria matxistagatik atxilotu zuten gizon bat Sestaon.
ARGAZKIA / Ezkerraldeko Itaia.
2022/12/09
10:14
Aurreko asteburuan, gutxienez bi emakumeri egin zizkieten sexu-erasoak Barakaldon (Bizkaia). Ostiralean, kaletik zihoala, emakume bati atzetik heldu zion 30 urte inguruko gizon batek. Heriotza-mehatxuak egin zizkion, laguntza eskatzen bazuen hil egingo zuela esanez, eta bera bortxatzen saiatu zen. Emakumeak telefono-dei bat jaso zuenean, ordea, alde egin zuen erasotzaileak. Egun bat beranduago, larunbatean, txano batekin estalita zihoan gizon batek eraso zion emakume bati. Azaldu duenez, sexu-ukituak egin zizkion kalean.
Bestalde, larunbat gauean, 03:00ak aldera, gizon bat atxilotu zuten Sestaon (Bizkaia), indarkeria matxista leporatuta. Ez dute zehaztasunik eman.
EZ DAGO IRUZKINIK
