GEDAR:Langile Kazeta

Azkenak
Biolentzia Estrukturala
Ofentsiba Kapitalista
Langile Mugimendua
Prozesu Sozialista
Mugimendu Sozialista

Biolentzia Estrukturala

2020ko otsailaren 11a

Espainiako Auzitegi Nazionalaren aginduz, Gudarien Txokoa kendu du Etxarri Aranazko Udalak

EH Bilduk gobernatutako Etxarri Aranazko Udalak urtarrilaren 27an kendu zuen Juan Ignazio Erdozia, Pello Mariñelarena eta Josu Zabala ETA erakundeko kideen omenezko oroigarria. Espainiako Auzitegi Nazionalak aginduta, enpresa bat kontratatu eta Gudarien Txokoa taldeak jarritako monolitoa kentzeko eskatu zuen udalak. AAEAMk gogor salatu du udalaren "obedientzia iraingarria", eta adierazi du "epaitegi faxistak egindako mehatxuek ez dutela justifikatzen bidegabekeria bat aurrera eramatea".

Langile Mugimendua

2020ko otsailaren 11a

'Elkartasunetik klase batasunera' dinamika aurkeztu dute Gasteizen, martxoaren 3aren eta 8aren harira

Martxoaren 3a eta 8a "gorriz markatutako egunak" izanik, hamar eguneko egitaraua prestatu dute Gasteizen, 'Langileok haustura politikoa. Elkartasunetik klase batasunera' izenpean. Hala, hitzaldiak, eztabaidak edota auzolanak egingo dituzte otsailaren 28tik martxoaren 8ra bitartean, "langile independentziaren eta klase batasunaren oinarri politikoak ardatz": "Martxoaren 3an eroriekiko zein emakume langilearekiko elkartasuna nahikoa ez delako, gaur inoiz baino sendoago, klase batasuna aldarrikatzea dagokigu".

Biolentzia Estrukturala

2020ko otsailaren 11a

Zaldibarren lurperatuta jarraitzen dute desagertutako bi langileek, eta geldirik daude bilaketa lanak

Berriro eten dituzte zabor azpian harrapatuta dauden bi langileak bilatzeko lanak, "lurraren desegonkortasunagatik". Azken egunotan hainbat sute piztu dira hondakindegian, eta amianto arrastoak aurkitu dituzte. Hainbat hedabidek gaur azaldu dutenez, luizia gertatu baino bi egun lehenago jakin zuen enpresak pitzadura handi bat zegoela zabortegian, eta desagertutako langileetako batek aurretik ohartarazi zuen enpresa ezinezkoa zela hondakin gehiago biltzea. 2020. urtea hasi zenetik, gutxienez beste hamaika langile erail dituzte haien lanpostuetan.

Langile Mugimendua

2020ko otsailaren 11a

UIBk NUPen ere ekin dio bere jardunari

Ikasturteko lehen lauhilekoan "ikerketa lanetan" jardun ostean, Unibertsitateko Indar Batasunak aurreneko asanblada egin du Nafarroako Unibertsitate Publikoan. Azken bi ikasturteotan EHUn martxan jarritako borrokak "irakaspen oinarritzat" hartuta, 'Gainditzeko oztoporik ez' lemapean abiatuko dute lehenengo borroka: ebaluazio arautegiaren 15.2 artikulua birformulatzearen aldeko borroka.

Biolentzia Estrukturala

2020ko otsailaren 10a

Gizon batek hiru emakumeri egin zien eraso igande goizaldean, Hernanin

Hernaniko Alde Zaharrean izan ziren sexu erasoak, taberna batean.

Mugimendu Sozialista

2020ko otsailaren 10a

Larunbatean lan eguna egin zuten Lekeitioko Gaztetxean GKSko eta gaztetxeko kideek

Astebururako lan eguna antolatu zuten Lekeition Gazte Koordinadora Sozialistako eta gaztetxeko kideek. "Egokitzapen lanek ekartzen duten lan mardula aurrera eramateko" asmoz egin dute auzolana, eta "pozik" geratu dira egindako "lan handiarekin". Orain, "indarrez" begiratzen diote datorrenari.

Langile Mugimendua

2020ko otsailaren 10a

Milaka pertsonak kaleratu dute apustu etxeen aurkako aldarria Iruñean

Iruñerriko apustu etxeen aurkako plataformak deituta, milaka pertsona irten ziren kalera larunbatean, 'Apustu etxerik ez. Borroka eginez irabaziko dugu' lemapean. Arratsaldean irten ziren zutabeak hainbat auzo eta herritatik, eta gero, Gaztelu plazan elkartu ziren guztiak. Iruñerria mailako plataforma sortu zenetik egin duten aurreneko ekimen bateratua izan da honakoa.

Mugimendu Sozialista

2020ko otsailaren 10a

Ehunka pertsona elkartu ziren atzo Legazpin, aurtengo Gazte Sozialisten Topagunearen aurkezpenean

Legazpiko Urbeltz pilotalekuan batu ziren eguerditik ehunka lagun. Bazkaria egin zuten lehenengo, eta gero, Topagunea jendaurrean aurkeztu zuten GKSko bi kidek. Hala, ekimenak "ildo sozialistaren baitan betetzen duen funtzio politikoaren" inguruan jardun zuten, eta aurtengo egitarauaren inguruko aurreneko zehaztapenak ere eman zituzten. Legution izango da 2020ko Topagunea, eta lan egunak, "eduki politikoan sakontzeko" saioak, martxa zein kontzertuak egingo dituzte. Topagunearen inguruko azalpenen ostean, Benito Lertxundiren kontzertua izan zen atzo Urbeltzen.

Biolentzia Estrukturala

2020ko otsailaren 8a

Gaztetxea hutsarazteko agindua jaso dute Hondarribiko Gaztetxeko kideek

Gaur goizean agerraldia egin dute Hondarribiko Gaztetxeko kideek, eta hilabetetako prozesu judizialaren bilakaera azaldu dute. Hala, une honetan esku artean duten hutsarazte aginduaren berri eman dute, eta babes sozialaren, errepresioaren, gaztetxearen ibilbidearen zein jabetza zilegitasunaren inguruan mintzatu dira. Negoziaketaren aldeko apustua egin dute, errepresioa "bide egokia" ez dela nabarmenduta.

Biolentzia Estrukturala

2020ko otsailaren 7a

Bi langile desagertu dira Zaldibarko zabortegiaren luiziaren ostean

Atzo gertatu zen luizia, eta zabortegiko birziklatze enpresarentzat ari ziren lanean desagertutako bi beharginak. Erreskatatze lanak etetea erabaki zuen Osalanek, amianto arrastoak aurkitu baitzituzten hondakin eta lur artean. Berriro jarri dute martxan bilaketa.