N-240 eta BI-625 errepideak erabiltzen dituzten kamioiei bidesariak kobratuko dizkiete aurrerantzean. Gipuzkoan ere bidesari gehiago ordainarazten dizkiete garraiolariei atzotik.
FOTOGRAFÍA / Onda Vasca
Bizkaian, garraiolarien soldatapeko jarduna are gehiago garestituko da beharginentzat eurentzat. Izan ere, Gipuzkoan berriki egin modura, bidesari gehiago ezarriko dizkiete kamioilariei: bihartik aurrera, bidesariak ordaindu beharko dituzte Bizkaian N-240 eta BI-625 erabiltzen dituzten kamioi gidariek.
N-240 errepidean bederatzi arkupe jarriko dituzte, El Gallo (Galdakao, Bizkaia) eta Ubidea (Bizkaia) artean. Horietatik pasatzean, 0,32 eta 8,93 euro artean kobratuko dizkiete ibilgailu astunei. BI-625 errepidean, berriz, zortzi arkupe izango dira Laudiotik (Araba) Basaurira (Bizkaia) igarotzeko bidean, 0,23 eurotik 1,13 eurorainoko bidesariekin.
Bizkaiko Foru Aldundiak, berez, urtarrilaren 1ean jarri nahi zuen indarrean garraiolarientzako ordainketa-sistema berria. Hala ere, azkenean atzeratu egin du neurriaren ezarpena. Gipuzkoan ere aste honetan jarri dituzte martxan kamioilarientzako bidesari berriak, N-1 eta A-15 autobideetako Gipuzkoako zatian.
