Aktualitatea
/
INDARKERIA MATXISTA
Bart emakume bati eraso dio gizon batek Donostian
Etxera bidean zela jasan du sexu-erasoa emakumeak; atxilotu dute jada 20 urteko erasotzailea. Bestalde, joan den astean beste gizon bat atxilotu zuten Angelun, iazko urrian emakume bat bortxatzeagatik.
2022/05/07
12:08
Bart, etxera bidean zihoala, emakume bati sexu-erasoa egin dio gizon batek Donostian (Gipuzkoa). Atxilo eraman dute jada erasotzailea, eta aurki utziko dute epailearen esku. 20 urte ditu.
Horretaz gain, aurreko asteazkenean beste gizon bat atxilotu zuten Angelun (Lapurdi). Aurreko urteko urrian emakume bat bortxatzea leporatzen diote, eta behin-behineko espetxealdia ezarri diote. Gizonaren etxean izan zen erasoa, antza. Asteartean erabakiko dute epaiketara arte libre utziko duten, espetxeratu egingo duten edo baldintzapeko askatasuna ezarriko dioten.
EZ DAGO IRUZKINIK
