Atzo, asteazkena, gauean hasi zuten 24 orduko greba Arcelor Mittaleko langileek. 22:00etan ekin zioten lanuzteari, eta gaur 22:00etan emango dute bukatutzat. Atzo enpresaren Olaberriako (Gipuzkoa) lantegian eraila izan zen langilearen heriotza salatzeko egin dute greba, eta 12:00etatik 14:00etara elkarretaratzea egingo dute plantaren atarian.

Gutxienez bi langile hil zituzten atzo; Arcelorren lehenengo, eta Sumillan (Nafarroa) gero. Biak ala biak ari ziren zamalanetan, eta garraiolariak ziren. Guztira, zortzi langile izan dira erailak 2020. urtea hasi zenetik.