Sei festa egun izan dira jada Iruñean (Nafarroa), urteko jairik potoloenean; sanferminetan. Ostegunean hasi ziren festak, eta aurreneko egunean, jada, sexu-eraso bat salatu zuen emakume batek. Ordutik, bata bestearen atzetik atera dira argitara eraso amaigabeak.
Joan den astelehenean (jaietako bosgarren egunean) jakinarazi zutenez, ordura arte, hogei emakumetik gora ziren aurtengo sanferminetan sexu-erasoak jasan izana salatu zutenak. Tartean, Iruñeko etxebizitza batean bortxatu dute emakume bat eta ukituak egin dizkiete emakume ugariri.
