2020ko otsailaren 17a
Desalojo arriskuan dago Legutioko Desjabetuon Hotela
Legutioko Desjabetuon Hotelaren aurkako epaiketa izan da gaur, eta proiektua martxan jarri zuten kideek azaldu dutenez, datozen asteetan hutsarazi dezakete eraikina. "Langileon kontrolpeko espazioen defentsa eraginkorra garatzeko konpromisoa" berretsi dute herriko gazte antolatuek, eta militante sozialistei dei egin diete "Desjabetuon Hotela eraikitzen jarraitzera". Abenduaren 26an birjabetu zuten espazioa, eta ordutik, hamaika dinamika eta borroka hartu ditu, tartean, formakuntza mintegiak edota Imaginate enpresak hainbat langilerekin zituen zorrak ordaintzeko borrokaldia.
