Aktualitatea
/
ZENTRO SOZIALISTAK
Urkila Zentro Sozialistaren hustea salatu dute Bilbon
Bilboko epaitegien aurrean egin dute elkarretaratzea gaur iluntzean, Kontseilu Sozialistak deituta. Ertzaintzak agindu judizialik gabe hustu du Zentro Sozialista gaur goizean.
2022/07/06
20:39
Bilboko (Bizkaia) Kontseilu Sozialistak protestara deitu du gaur arratsalderako, Urkila Zentro Sozialistaren legez kontrako desalojoa salatzeko. 19:00etan, elkarretaratze bat izan da Bilboko epaitegien aurrean, Zentro Sozialistak aurrera lelopean. Ertzaintza ere izan da aurrez aurre, epaitegiak babesten.
Gaur goizean, 08:30ak aldera, Urkilara bertaratu da Ertzaintza, eta inolako agindu judizialik gabe hustu du gunea. Aldez aurreko jakinarazpenik ere ez da izan.
EZ DAGO IRUZKINIK
