Alde Zaharreko zenbait gunetara sartu eta kalean zeuden gazteen aurka oldartu da polizia. Zenbait komunikabideren arabera sei pertsona atxilotu dituzte, baina beste hainbatek diote 11 izan daitezkeela atxilotuak.
Argazkia: @taxilari
Bart Iruñeko (Nafarroa) Alde Zaharrean esku hartu dute udaltzainek; haien arabera, bizilagun baten kexak zirela-eta. Besteak beste, San Gregorio kalea, Sarasate pasealekua, Yamagutxi parkea nahiz liburutegi nagusiaren ingurua hustu dituzte polizia-agenteek.
Gune horietan kalean zeuden gazteen aurka jo du poliziak, eta kargak izan dira; ez dute zehaztu zenbat zauritu izan diren. Kargen ondorioz, gero istiluak izan direla baieztatu dute hainbat komunikabidek.
Zenbait pertsona eraman dituzte atxilo, baina ez dute kopuru zehatzik jakinarazi. Zenbait hedabideren esanetan sei lagun atxilotu dituzte, baina beste hainbaten arabera, 11 izan daitezke atxilotuak. Antza, "desordena publikoak eta kalteak eragitea" leporatzen diete, baita "bortizkeriaz lapurreta egitea" ere.
