2020ko maiatzaren 11a
Etxeetan edota plazetan elkartzea ere debekatu du Eusko Jaurlaritzak aurreneko fasean
Hego Euskal Herrian gaur hasi da deseskalatze prozesuaren lehenengo fasea; EAEn, ordea, debekatu egin dute etxeetan, elkarteetan, "txokoetan", plazetan edota bestelako "leku irekietan" elkartzea. Terrazetan baino ezingo da bildu, eta gehienez hamar pertsonako taldeetan. Jaurlaritzak berak gauerdian argitaratutako dekretuak ez zuen neurri berri hau jasotzen, baina goizean jakinarazi dute Ertzaintzak ezarritako irizpideak direla jarraitu beharrekoak. Bestalde, udalerritik irtetea ere mugatu dute, "jarduera sozioekonomiko" zehatzetarako ez bada.
