Deba Bailarako Gazte Koordinadora Sozialistak jakinarazi duenez, "jardun propioari heldu dio" Oñatiko (Gipuzkoa) taldeak. Gaur da Euskararen Eguna, eta horri lotuta, kulturari buruz aritzeko jardunaldiak antolatu ditu Oñatiko GKSk, "kulturaren inguruko hausnarketa emateko". "Kulturaren ulerkera, bere funtzioak, artearen kontzeptua eta kulturgintzari dagokionez hartutako jarrerak" izango dituzte hizpide jardunaldi horien barruan prestatutako saioetan, eta hizkuntzaren auzia ere landuko dute.

Datorren asteburuan egingo dituzte jardunaldiak, hain zuzen, abenduaren 5ean eta 6an. Oñatiko Antixenako gaztetxeak eta Santa Ana antzokiak emango die aterpea saioei.

Hona hemen kulturaren inguruko jardunaldietako egitaraua:

ABENDUAK 5, LARUNBATA

• 16:30. Euskara eta klase sozialak hitzaldia: Aitor Bizkarra. Antixenako gaztetxean.
  
• 19:00. Bertso saioa: Aroa Arrizubieta, Garazi Navarro, Aitor Tatiegi eta Urko Arregi. Antixenako gaztetxean.
  

ABENDUAK 6, IGANDEA

• 12:30. Kultura eta artea mahai-ingurua: Paul Beitia, Maider Arregi, Josu Zubia eta Mattin Korta. Santa Ana antzokian.